Ny fagskule: Trygg handtering av utfordrande situasjonar i oppvekstsektoren

Arbeid i barnehage og skule kan vere både meiningsfullt og krevjande. Med aukande merksemd på utfordrande åtferd og behovet for tidleg innsats, er det viktig med oppdatert kompetanse i sektoren.

Fagskuleutdanninga «Trygg handtering av utfordrande situasjonar i oppvekstsektoren» gir deg kunnskap og praktiske verktøy for å møte krevjande situasjonar på ein trygg og profesjonell måte. Gjennom studiet lærer du om:

• betydninga av førebygging og tidleg innsats

• forsvarlege teknikkar for trygg handtering

• kommunikasjon og samhandling med barn og føresette

• rettleiing og refleksjon i profesjonsfellesskapet

Studiet er organisert på deltid over eitt år og kan kombinerast med jobb. Undervisninga består av digitale økter tysdagar kl. 17–21, samt to samlingar per semester. Utdanninga er gratis, og det einaste du betaler er ein studentavgift på kr 700. Studiet er godkjent i Lånekassen.

Utdanninga passar særleg for barne- og ungdomsarbeidarar, miljøarbeidarar og andre tilsette i oppvekstsektoren som ønskjer å styrkje sin faglege tryggleik i møte med utfordrande situasjonar.

Eksamen omfattar skriftlege oppgåver i emne 1–3 og munnleg eksamen i emne 3.

Les meir og søk her.

Meld interesse.