Ønsker du nokon å snakke med om jobb eller utdanning?

I løpet av yrkeslivet vil mange stå overfor fleire karrierevalg. Dette kan vere utfordrande.

Karriererettleiing er gratis og kan gjere deg bevisst på kva du vil, kven du er og kva du kan.

Du vel sjølv om du vil snakke med dei på telefon, video eller om du vil møte dei på eitt av deira seks kontor over heile fylket (Nordfjordeid i Nordfjord og Førde i Sunnfjord).

I bankgata1 på Nordfjordeid finn du Stein Inge Strøm, og du finn Siv Kristin Flekke i Storehagen 1b, Førde som begge jobbar som karriererettleiarar, Stein Inge i Nordfjord og Siv Kristin i Sunnfjord for Vestland Fylkeskommune. .

Stein Inge, Siv Kristin og resten av teamet er klare for å hjelpe deg best mogleg til å sette kursen for karriera di.

Yrkeskompetanse: Ta kontakt med Karriererettleiar Vestland for å få hjelp til å oppnå yrkeskompetanse. Dei kan vurdere kva for rett du eventuelt har og kva for moglegheiter du har basert på allereie opparbeid kompetanse.

Generell studiekompetanse:  Det er mange ulike "veger" du kan oppnå generell studiekompetanse på. Her er dei mest aktuelle måtane:

• fullført og bestått studieførebuande utdanningsprogram
• yrkesfag med påbygningsår
• 23/5-regelen (fylt 23 år, 5 års praksis og/eller utdanning og i tillegg bestått dei seks fellesfaga)
• fullført ei 2-årig fagskuleutdanning som er godkjent etter fagskulelova
• realkompetanse for søkarar over 25 år
• ulike alternative ordningar

Dei seks fellesfaga er:
Norsk – hovudmål, sidemål og munnleg 393 årstimar | Engelsk 140 årstimar | Historie 140 årstimar | Samfunnsfag 84 årstimar | Matematikk (1P+2P, eller 1PY+2PY) 224 årstimar | Naturfag 140 årstimar