Tilstandsrapport for høgare utdanning - 2024.

Fleksible og desentraliserte utdanningar

I 2023 var 30 % av studentane 30 år eller eldre, og mange av desse føretrekk korte og fleksible utdanningar. Slike tilbod er særleg populære blant studentar over 30 år, som ofte har behov for å kombinere studiar med arbeid og familieansvar. Dette gjer det mogleg for fleire vaksne å vidareutvikle sin kompetanse i takt med arbeidslivets krav. Rapporten viser nettopp ei auke i tal på studentar ved fleksible studiar, som til dømes nettbaserte kurs og deltidsutdanningar. 

Livslang læring

Desentraliserte utdanningstilbod gjev vaksne studentar moglegheita til å studere utan å måtte flytte på seg. Rapporten syner at universitet- og høgskuleinstitusjonane spelar ei sentral rolle i å tilby praksisnære utdanningar som er etterspurde i arbeidsmarknaden, og som har sterk lokal og regional forankring. Rapporten understrekar at livslang læring og kompetanseutvikling er prioriterte område i norsk utdanningspolitikk. For at arbeidsstyrken skal kunne møte skiftande kompetansekrav gjennom yrkeslivet er det avgjerande at universiteta og høgskulane tilbyr etter- og vidareutdanning som er tilpassa vaksne sine behov for kontinuerleg utvikling. 

Utfordringar og vidare utvikling

Til tross for positive utviklingstrekk, står høgare utdanning framfor utfordringar som må løysast for å gjere tilboda endå meir tilgjengelege og relevante for vaksne studentar. Regjeringa og utdanningsinstitusjonane arbeider med tiltak for å styrke fleksibiliteten og kvaliteten på desentraliserte utdanningar, slik at fleire kan delta i livslang læring og kompetanseheving.

Konklusjon Fleksible og desentraliserte utdanningstilbod spelar ei nøkkelrolle i tilrettelegginga for vaksne studentar i Noreg. Tilstandsrapporten 2024 framhevar viktigheita av å vidareutvikle desse tilboda for å møte samfunnets og arbeidsmarknadens behov for kontinuerleg kompetanseutvikling.

StudieHub - Nordfjord Studiesenter menier at til tross for positive utviklingstrekk, står sektoren framfor utfordringar som må handterast for å gjere tilboda endå meir tilgjengelege og relevante for vaksne studentar. Lokale og regionale studiesenter vil vere viktige for å tilpasse og utvikle fleksible utdanningstilbod, rekruttere studentar, og byggje opp sterke lokale studentmiljø. Dette vil bidra til å møte regionale kompetansebehov og støtte livslang læring i heile landet.