StudieHub medarrangør av nordisk minikonferanse om studiesenter

Korleis kan vi sikre berekraftig drift av studiesenter i heile Norden? Kva rolle spelar slike sentra for å gjere utdanning tilgjengeleg for alle – uansett kvar dei bur? Dette er spørsmål som vert løfta under den digitale nordiske minikonferansen om finansiering av studielandskap og læringssenter, som går av stabelen 13. mai 2025 kl. 09:00–12:00.

Konferansen er ein del av Erasmus+-prosjektet Sammen om livslang læring og samlar ei rekkje sentrale stemmer innan politikk, utdanning og regional utvikling. StudieHub – Fjordane Studiesenter deltek som medarrangør og er engasjert i å vidareutvikle samarbeid mellom studiesenter i heile Norden.

På programmet står blant anna:

• Emil Raaen, statssekretær i Kommunal- og distriktsdepartementet, som presenterer Noregs visjonar for livslang læring.

• Vegard Herlyng, leiar for dei norske studie- og utdanningssentra, gir eit historisk tilbakeblikk på utviklinga i Noreg.

• Kathrin Jakobsen frå Vestland fylkeskommune deler innsikt i samarbeid og ny finansieringsmodell for fylket.

• Representantar frå Sverige, Danmark og Island deler sine erfaringar og modellar for organisering og finansiering – med blikk for framtida.

Konferansen er digital og gratis, og det er mogleg å melde seg på via nordicstudysenters.org. Zoom-lenke vert sendt ut til påmelde deltakarar.