Opent møte med forsknings- og høyere utdanningsminister Oddmund Hoel

I går hadde vi i StudieHub - Nordfjord Studiesenter (Kari og Øystein) gleda av å møte forskings- og høgare utdanningsminister Oddmund Hoel. Ministeren snakka om regjeringa sine prioriteringar og satsingsområde, med eit spesielt fokus på høgare utdanning. Vi delte også nokre av våre erfaringar ved studiesenteret og nytta høvet til å oppfordre sterkt til vidare satsing på desentralisert og fleksibel utdanning i heile Noreg. Vi oppmoda spesielt ministeren til å besøke Campus Värnamo i Sverige for å sjå korleis dei tar i bruk teknologi på ein innovativ måte som reduserer barrierane ved hybrid undervisning.

Vi ser fram til å fortsette dette viktige arbeidet og håper på auka støtte og føreseielegheit knytt til drift, for å kunne tilby endå fleire utdanningstilbod til distrikta.