Frå januar 2024 håpar vi i StudieHub Nordfjord å kunne tilby etter- og vidareutdanning innan leiing og administrasjon lokalt i Nordfjord, levert av Høgskulen på Vestlandet. Dette skal kombinerast med nettverks- og relasjonsbygging blant noverande og framtidas leiarar i regionen.
OPPDATERING 30.8.23 - På grunn av manglande finansiering vil det ikkje bli oppstart som skissert nedanfor. Interessa for prosjektet syner at det er eit behov for ei fleksibel og desentralisert leiarutdanning (og nettverksbygging) i regionen vår, og derfor svært viktig å få til. Vi er allereie i gong med alternative løysingar, som vi vil arbeide vidare med. Målet vårt no er å kunne gi eit likande tilbod (med lågare studentavgift) og med oppstart allereie hausten 2024. Vi er i dialog med fleire høgare utdanningsinstitusjonar for å få til eit opplegg som ikkje krev at vi i StudieHubben må søkje offentleg støtte for å få gjennomført tiltaket.
Målgruppa for utdanninga er personar i Nordfjord som i dag har leiarstillingar, har ambisjonar om å bli leiar eller som ønskjer kompetanseheving innan fagfeltet.
Målsettinga er at vi skal ha ei heil «klasse» frå Nordfjord, og at nettverket som blir skapt gjennom desse to åra skal vere med å bygge relasjonar, forsterka samarbeid og bidra til å utvikle og legge til rette for lokal verdiskaping i Nordfjordregionen i mange år framover.
Heile utdanninga blir gjennomført lokalt i Nordfjord gjennom Høgskulen i Vestland, og organiserast gjennom fysiske samlingar og digital undervisning.
"Kick-off ": onsdag 1. november!
Oppstart utdanning: Januar 2024
Avslutning: Desember 2025
Du kan lese meir her. (oppdatert 15.6.23)
Sist oppdatert: 26.05.2023
Våren 2026 kan du delta på tre gratis webinar om opptak og utdanningsval. Arrangementa gir nyttige råd både for søkarar og for karriereveileiarar, og tek opp tema som søknadsprosess, opptaksreglar og korleis finne rett studium. Det blir ingen opptak, så meld deg på og følg sendingane direkte.
Les meir
Dette er ei verdifull moglegheit for bedrifter til å få utført konkrete utviklingsoppgåver, teste ut nye idear – og knyte til seg kompetente IT-studentar som kan bli framtidige medarbeidarar.
Les meir
Den nordiske konferansen for livslang læring i Bergen samla deltakarar frå heile Norden og Skottland til to dagar med fagleg påfyll, deling av erfaringar og samarbeid om framtidas fleksible utdanningstilbod.
Les meir