Høgskulen på Vestlandet (HVL) inviterer bedrifter og offentlege verksemder i Sogn og Fjordane til å spele inn bachelor-oppgåver for IT-studentane våren 2026. Send skisse (sjå lenke i tekst nedanfor) eller endeleg oppgåvetekst til per.christian.engdal@hvl.no innan 28. oktober 2025.
Foto: Photo by GuerrillaBuzz on Unsplash
Eit nytt kull med bachelorstudentar i Informasjonsteknologi ved Høgskulen på Vestlandet, Campus Førde, blir uteksaminerte i 2026.
No blir næringslivet invitert til å kome med forslag til bachelor-oppgåver som studentane kan løyse våren 2026.
Dette er ei unik moglegheit for verksemder til å få studentar til å arbeide med reelle utfordringar i eigen organisasjon, utvikle nye løysingar – og samtidig bli kjent med framtidas arbeidskraft innan IT og digitalisering.
I Førde tilbyr studiet spesialiseringar innan:
Informasjonsteknologiutdanninga i Førde har to hovudretningar: Web- og mobilteknologi og Maskinlæring og kunstig intelligens.
Alle studentane har fått grunnleggande opplæring i datafag som objektorientert programmering, operativsystem, nettverk og datakommunikasjon, databasar samt systemering og systemarbeid/prosess/metode. I siste studieår vel dei mellom ei rekkje val- og spesialiseringsemne. Døme frå Førde er maskinlæring og kunstig intelligens, vidaregåande webutvikling, mobile og distribuerte applikasjonar og robotikk.
Studiet kombinerer teori og praktisk arbeid. Studentane får opplæring i systemering, objektorientert programmering, operativsystem, nettverk, utvikling av nettsider og databasar.
I spesialiseringa web- og mobilteknologi inngår programutvikling for internett og mobilteknologi som obligatoriske fag, medan maskinlæring og kunstig intelligens gir fordjuping i avanserte algoritmar, «machine learning engineering», «deep learning», «natural language processing» og «large language models (LLM)
I 5. semester (haust i 3. studieår) kan studentane søkje praksisplass i bedrifter, og mange er no i praksis hos lokale verksemder i Sogn og Fjordane. Våren 2026 gjer studentane bachelor-prosjekt, og næringslivet blir no invitert til å kome med oppgåver.
Kva slags oppgåver kan de sende inn?
Ei oppgåve kan vere alt frå ein idé til eit spesifikt oppdrag, og kan krevje alt frå lite til mykje involvering frå di bedrift. Alle oppgåver og grupper får tildelt rettleiar frå høgskulen sine lærarar. Vedlagt finn de eit brev som forklarar prosessen og døme på kva ei bachelor-oppgåve kan vere, samt ein mal de kan bruke til oppgåveteksten.
Tilgjenge for studentar i Førde/Bergen
Oppgåver som kjem inn frå bedrifter i Sogn og Fjordane kan bli gjorde tilgjengelege for studentar både i Førde og Bergen. Hugs å merke i oppgåveteksten dersom de ønskjer at oppgåvene berre skal vere tilgjengelege for studentar i Førde.
Frist og innsending
Send skisse eller endeleg oppgåvetekst (gjerne etter vedlagt mal) på e-post til per.christian.engdal@hvl.no innan 28. oktober 2025.
Kontakt
Per Christian Engdal
Assisterande instituttleiar
Institutt for datateknologi, elektroteknologi og realfag (HVL)
Tlf: +47 98 26 93 01
Besøksadresse: Svanehaugvegen 1, Førde
Postboks 7030, 5020 Bergen
Nettside og kanalar: www.hvl.no | twitter.com/hvl_no | facebook.com/hvl.no
Vedlegg:
Sist oppdatert: 13.10.2025
Den nordiske konferansen for livslang læring i Bergen samla deltakarar frå heile Norden og Skottland til to dagar med fagleg påfyll, deling av erfaringar og samarbeid om framtidas fleksible utdanningstilbod.
Les meir
Industriens kompetansefond gjer at tilsette i industrien kan ta korte fagskuleutdanningar med full løn i inntil to veker. I piloten hausten 2025 tilbyr Fagskulen Vestland fire relevante studium. Målet er å styrkje kompetansen og konkurransekrafta i norsk industri. StudieHub kan hjelpe både bedrifter og tilsette med neste steg.
Les meir
Webinaret Fagbrev som vaksen – dine moglegheiter gir deg oversikt over dei ulike vegane til fagbrev for vaksne, tips til korleis du kan bruke erfaring og utdanning du har frå før, og råd om korleis du kan kome i gang. Passar for alle som vurderer å ta fagbrev eller bytte yrkesretning.
Les meir