Grunnleggjande kurs i referanseprogrammet Zotero

I haust har vi gitt tilbod om kurs i grunnleggjande bruk av referanseprogrammet Zotero i Stryn, Bremanger, Sandane, Nordfjordeid og i Måløy (sistnemnde i samarbeid med Studiesenteret Kysten). Kursa har blitt gjennomført i Nordfjordeid og på Sandane og siste kurs skal vere i morgon tysdag 14. november i Måløy.  Til no er det 16 som har meldt seg på kurset og dei førebelse tilbakemeldingane frå deltakarane er gode.

Kurset var gratis og opent for alle studentar i Nordfjord som tar desentralisert og fleksibel utdanning. Vi opna også for andre deltakarar som hadde ønskje om å lære om korleis bruke Zotero. I tillegg til studentar kan  Zotero vere aktuelt for lærarar som skal lære elevar å sitere korrekt.

Kva er Zotero?
Zotero er et gratis verktøy som er enkelt å bruke. Programmet hjelper deg med å:

• Samle referansar
• Organisere referansar
• Kommentere og dele kommentarane i PDF-dokument
• Sitere kjelder i tekst og lage kjeldelister
• Dele forsking og referansar med andre

Med andre ord; din personlege forskingsassistent!

På kurset lærte deltakarane å:

• Importere referansar, lagre og organisere dei i eit eige Zotero-bibliotek
  
• Synkronisere Zotero-biblioteket med ditt online bibliotek.
  
• Sette inn referansar korrekt i Word-dokument, med og utan sidetal samt å bytte referansestilar og språk.
  
• Lage ei korrekt oppsett kjeldeliste.
  
• Dele ditt Zotero-bibliotek med andre Zoterobrukarar.
  
• Sette inn kommentarar i PDF-dokument gjennom Zotero.

Har du lyst å lære korleis bruke programmet? Vi gjennomfører nytt kurs i januar/februar, men på Nordfjordeid. Det er lurt å lære seg programmet i god tid før eksamen, viss du ønskjer å ha kontroll på pensum og referansar i forkant av sjølve eksamen. Ta kontakt om du har spørsmål eller er interessert.