Forkurs, realfagskurs, Y-veg og TRES – Kva passar for deg?

Har du ein draum om å bli ingeniør eller studere nautikk, men oppfyller ikkje opptakskrava? Vi tilbyr ulike løysingar som passar dine behov og bakgrunn: forkurs, realfagskurs, Y-veg og TRES.

Forkurs og realfagskurs
Forkurs og realfagskurs er førebuande kurs som gjer deg kvalifisert til å søke alle ingeniørutdanningar i Noreg.

• Forkurs: Tilbys nett- og samlingsbasert i Førde og inkluderer fleire fag som norsk, engelsk, fysikk, matematikk og teknologi.
• Realfagskurs: Tilbys i nett og samlingsbasert i Førde.

Y-veg og TRES – integrerte løp
Dersom du vil starte direkte på utdanninga, kan Y-veg og TRES vere aktuelle for deg.

• Y-veg: For deg med fagbrev eller yrkesfagleg utdanning. Kombinerer kurs i matte med oppstart av studiet.
• TRES: Ein tresemesterordning der du tar kurs i matte om sommaren og startar på ingeniør- eller nautikkutdanninga hausten etter.

Kva skal du velje?
Forkurs, realfagskurs, Y-veg og TRES er tilpassa ulike behov og bakgrunnar:

• Forkurs: For deg som manglar generell studiekompetanse og/eller realfagskompetanse. Passar for personar med yrkesfagleg bakgrunn eller fagbrev.
• Realfagskurs: For deg med generell studiekompetanse, men som manglar fordjuping i matematikk (R1+R2) og fysikk (Fysikk 1).
• Y-veg: For deg med fagbrev eller yrkesfagleg utdanning, som vil starte direkte på ingeniør- eller nautikkstudiet gjennom eit integrert løp.
• TRES: For deg med generell studiekompetanse som vil ta opp manglande matte gjennom eit intensivt sommarkurs før oppstart av studiet.

Uansett kva bakgrunn du har, finst det eit tilbod som kan hjelpe deg på vegen mot ingeniør- eller nautikkutdanning!

Korleis søker du?
Søknaden registrerer du i vår lokale Søknadsweb – ikkje gjennom Samordna opptak. Her finn du informasjon om poengutrekning, opptakskrav og søknadsprosess.

Finn meir informasjon på HVL sine nettsider eller ta kontakt dersom du har spørsmål. Vi hjelper deg gjerne!