Fantastiske nyheiter frå StudieHub - Nordfjord Studiesenter!

Prosjektet er eit samarbeid mellom Campus Värnamo (Sverige) og Holbæk Uddannelses- og Studiecenter (Danmark) og StudieHub - Nordfjord Studiesenter. Målet vårt er å styrke kunnskapen om drift av studiesenter, inspirere til utvikling av fleksible og desentraliserte utdanningstilbod, og utforske vidare samarbeid om innovative løysingar som bidreg til livslang læring. Prosjektet fokuserer på å fremje lokale studiesentre og innovative læringsrom, i tillegg til å auke inkludering og mangfald i utdanningane.

Gjennom erfaringsutveksling og felles aktivitetar skal vi jobbe mot å betra tilbodet ved våre lokale studiesenter, og utvikle utdanningar som møter behova til våre regionar. Vi skal også arrangere fleire spanande konferansar og møte, inkludert ein nordisk konferanse om livslang læring og ein minikonferanse om finansiering og drift av studiesenter.

Vi gler oss til å setje i gang med prosjektet i september 2024, og til å samarbeide med våre nordiske partnarar for å skape eit sterkt nettverk for livslang læring. Dette prosjektet vil bidra til at fleire får tilgang til utdanning av høg kvalitet, uavhengig av kvar dei bur.

Tusen takk til våre samarbeidspartnarar Lars-Uno Åkesson, Iben Maria Böhling With og Emil Erichsen, vi ser fram til vidare samarbeid. Takk til Vestland fylkeskommune ved Barbara Irene Harterink og Shima Souraki, som har gitt oss god rettleiing knytt til søknaden vår. 

Hald deg oppdatert for meir informasjon om prosjektet og dei komande aktivitetane våre! Dette blir kjekt! :)