Evaluering av studentstova på Nordfjordeid

Vi har gjort ei lita uhøgtideleg kartlegging av kva studentane tenkjer om det å kunne låne seg leseplass på studentstova. Undersøkinga blei sendt til studentane som vi hadde e-postadressa til og i løpet av eit par timar hadde vi fått fleire svar. Alle fortel av dei har opplevd tilbodet som nyttig "i svært stor grad" Vi utfordra dei på kvifor tilbodet burde bestå også etter mars 2024, og her er nokre av svara vi fekk:

• Eit godt tilbud for studentar. Det er både sosialt og fagleg. Har tidlegare nytta meg av andre fasilitetar, men meir ro og betre fasilitetar ved studentstova (skjerm, tastatur, fagbøker, kaffikrok)
• Viktig tilbod til studentar i Nordfjord! Desentralisert utdanning er viktig for framtida til distrikta, og alt som kan bygge opp under dette bør støttast.
• For min del var studentstova svært viktig for å få ei god og roleg oppleving av bachelorperioden. Den gav rom for eit skilje mellom jobb og skulearbeid som betydde mykje. Å ha eit «kontor» å gå til, gjor at ein var meir på når ein satt der. Studentstova var godt utstyrt med det vi måtte trenge. Det var sosialt å sitte Saman med andre som var i same situasjon, slik at ein kunne få eit avbrekk og prate med andre. Eit tilbud eg skulle ønske eg hadde heile studiet! :)

Vi fekk også følgande kommentar:

• Tusen takk for eit godt tilbod i perioden vi skreiv bacheloroppgåve! Skulle ynskje vi hadde hatt dette tilbodet når vi starta på utdanninga og vi vil anbefale det varmt til alle som kjem etter oss. Kanskje kjem vi tilbake ved evt vidareutdanning? Det er iallefall meir fristande å ta meir utdanning med eit slikt tilbod som studentstova 😊

Tilbakemeldingane vis så absolutt at studentstova leverer gode tenester, og at studentane opplev tilbodet som svært nyttig når dei deltek på desentraliserte utdanningar. Vi håpar at fleire etterkvart blir kjende med studentstova og at det blir høg aktivitet her også utanom eksamensperioden. Les meir om tilbodet på våre nettsider og også korleis booke plass. Du er hjartelig velkomen hit!