Bachelor- og Master Pich - Nordfjordtreffet 2024 + StudieHub sin eigen Pitch til studentar!

Bachelor og Master Pitch skal gjere det enklare for studentar på høgare utdanning å skrive si bachelor, master eller fagskuleoppgåve i samarbeid med lokalt privat- eller offentleg næringsliv i Nordfjord!

Under NT24 arrangerte vi (StudieHub og Nordfjordakademiet) for første gang ei samling med studentar der studentane fekk presentert dei bedriftene som hadde vist interesse for å «Pitche» seg sjølv. Samlinga blei gjennomført i kontorfelleskapet «Spire», og her presenterte mellom anna Jannicke Lindvik SFE sine erfaringar i å samarbeide med studentar,. Maria Thaule, fortalte om sine erfaringar knytt til å skrive ei oppgåve i samarbeid med næringslivet.

• Høyrest dette spennande ut for di bedrift?
• Er du student og ønskjer å knyte kontakt med ei offentleg eller privat verksemd for oppgåveskriving eller praksis/intership?

Då kan du ta kontakt med Kari. (kari@inviro.no / 95287575) så vil du bli kontakta av Kari frå StudieHub å få meir informasjon.

KS gir 25 000 kr i masterstipend til 61 masterstudentar og her kan du lese meir om kva for tematikkar som har fått støtte. Dette er gode døme på hva for FoU-arbeid som masterstudentar kan gjere i offentleg sektor. Her er eit av døma frå KS:

• Trygt og godt skolemiljø
  Hvordan profesjonsfellesskapet kan møte utfordringene med at mange elever ikke opplever et trygt og godt skolemiljø (Heidi Fidje Andersen). Bakgrunnen for masteroppgaven er ambisjoner i opplæringsloven om inkluderende læringsmiljø i kontrast til blant annet økende mobbetall. Materoppgaven tar sikte på å knytte sammen teori om trygt og godt skolemiljø, skolekultur, profesjonsfellesskap og mobbing opp mot empiri og hva som skjer i det virkelige livet i skolen. Den ønsker å finne svar på hvordan en utnyttelse av teorien i større grad kan øke kvaliteten på arbeidet mot elevene.

Her er vår eigen "pitch" som vi løfta fram for studentane på samlinga:
Ønskjer du å utforske kompetanse- og distriktspolitikk gjennom eit samarbeid med StudieHub – Nordfjord Studiesenter? Vi søkjer ny innsikt i korleis studiesenter og fylkeskommunar kan samarbeide om regional kompetanseutvikling. Distriktsmeldinga understrekar viktigheita av å styrkje det regionale ansvaret for kompetansepolitikk for å sikre tilgangen på kvalifisert arbeidskraft. Vi ønskjer å forstå betre samspillet mellom studiesenter og fylkeskommunar for å fremje regional kompetanse.

Korleis kan dette ansvaret utøvast gjennom samarbeid med regionale studiesenter, og kva for erfaringar har ein med slike samarbeid?

Moglege forskingstema inkluderer fylkeskommunen si rolle i kompetansepolitikken, erfaringar med samarbeid mellom fylkeskommunar og studiesenter, og korleis slikt samarbeid er organisert. StudieHub – Nordfjord Studiesenter oppfordrar studentar til å føreslå eigne tema relatert til denne tematikken og velje forskingsmetode etter interesse.

Vi tilbyr ein fagleg kontaktperson, tilgang til vårt nettverk og fagmiljø, Studentstova i Nordfjord for arbeid og møter, rettleiing, samt tilgang til relevant kjeldemateriale.