Personar med utviklingshemming lever lenger enn før, og fleire blir eldre. Denne fagskuleutdanninga gir deg spesialisert og praksisnær kompetanse i møte med ei aldrande brukargruppe.
Foto: Photo by Victoria Prymak on Unsplash
Fakta om studiet
Namn på utdanninga: Utviklingshemming, miljøarbeid og aldring
Tilbydar: Fagskulen Aldring og helse
Studiepoeng: 60
Nivå: Høgare fagskulegrad
Omfang: Deltid over 2 år (tilsvarar 1 år fulltid)
Studiestader: Bergen, Tønsberg eller 100 % nettbasert
Gjennomføring: Nettundervisning med samlingar
Praksis: På eigen arbeidsplass (12 studiepoeng)
Vurdering: Mappevurdering og avsluttande eksamen (A–F)
Oppstart: 2026
Auka levealder blant personar med utviklingshemming fører til nye behov i helse- og omsorgstenestene. Aldringsprosessen kan vere annleis, starte tidlegare og krevje særskild kompetanse.
Fagskuleutdanninga gir deg fordjuping i:
• aldring hos personar med utviklingshemming
• aldersrelaterte sjukdommar
• miljøbehandling og målretta tiltak
• etikk, kommunikasjon og samhandling
• organisering, system og leiing
Studiet kombinerer nettundervisning, samlingar og praksisoppgåver i eigen arbeidskvardag. Hovudprosjektet gir deg høve til å arbeide med ei konkret problemstilling frå praksisfeltet.
Utdanninga er arbeidslivsretta og utvikla for yrkesaktive i helse- og omsorgstenesta. Kompetansen kan bidra til betre kvalitet i bustadtenester, styrkt helseoppfølging og meir målretta miljøarbeid.
Opptakskrav
Fagbrev som helsefagarbeidar / omsorgsarbeidar
eller tilsvarande bakgrunn
(Realkompetanse kan vurderast)
Lokal tilrettelegging gjennom StudieHub
StudieHub – Fjordane Studiesenter legg til rette for deltakarar frå Nordfjord og Sunnfjord.
Vi tilbyr:
• Studieplass og teknisk støtte
• Fagleg fellesskap lokalt
• Informasjon og oppfølging
• Dialog med arbeidsgivar
Utdanninga kan inngå i kommunen si satsing på kompetanseheving og kvalitetsutvikling.
Sist oppdatert: 23.02.2026
Lær meir om trygg og systematisk sårbehandling Sårbehandling er ein viktig del av helsetenesta og kan vere både tidkrevjande og fagleg krevjande.
Les meir
Universitetet i Innlandet tilbyr nettbasert deltidsstudium i Prosjektledelse med oppstart 3. september 2026. Studiet gir 7,5 studiepoeng og passar for deg som ønskjer meir kompetanse i planlegging, organisering, gjennomføring og evaluering av prosjekt. StudieHub legg til rette for at studentar kan samlast ved lokale noder i våre lokale under nettundervisninga.
Les meir
Bærekraftige matsystemer – Vestland er eit praksisnært kurs på 5 studiepoeng, utvikla av NMBU i samarbeid med StudieHub – Fjordane Studiesenter og Sogn Kompetanse. Kurset handlar om matsikkerheit, ressursbruk, matsvinn, klima og lokale matsystem i Vestland. Det kombinerer fysiske samlingar i Lærdal og på Sandane med digital undervisning og praktisk casearbeid i tverrfaglege grupper.
Les meir