Korleis forstår vi utfordrande åtferd? – autoritativt klima og sosial emosjonell læring

Utfordrande åtferd er eit aktuelt tema i både barnehage og skule. Mikroemnet set søkjelys på korleis vi kan forstå og møte slik åtferd gjennom ein autoritativ vaksenrolle og eit inkluderande læringsmiljø.

Den autoritative rolla – kombinasjonen av tydelege forventningar og varme relasjonar – er avgjerande i arbeidet med barn og unge. I dette emnet lærer du korleis ein slik rolle kan utviklast både individuelt og i team og organisasjonar.

Emnet legg også vekt på sosial og emosjonell læring, mellom anna:

• sjølvmedvit
• sjølvregulering
• sosial medvit
• relasjonelle ferdigheiter
• å ta gode avgjerder

I tillegg blir inkludering løfta fram som eit sentralt perspektiv – med fokus på fellesskap, deltaking, medverknad og læringsutbyte.

Undervisninga er nettbasert og fleksibel. Du kan sjå førelesingar når det passar deg, og det blir òg tilbydd frivillige digitale seminar.

Mikroemnet passar for tilsette i barnehage og skule som ønskjer ei djupare forståing av praksisen sin – og konkrete verktøy som kan takast i bruk med ein gong.

Lokal tilrettelegging gjennom StudieHub

StudieHub – Fjordane Studiesenter legg til rette for deltakarar i regionen.

Vi tilbyr:

• Studieplass og fagleg fellesskap
• Struktur og støtte i studiearbeidet
• Dialog med arbeidsgivar ved behov

Les meir og søk her.

Meld interesse.