Informasjonsmøte om nye vidareutdanningar innan elektro og automasjon

StudieHub – Fjordane Studiesenter, som er ein del av Inviro AS, inviterer til eit kort og informativt møte om dei nye vidareutdanningstilboda innan elektro og automasjon. Tilboda er utvikla av Fagskulen i Vestland i tett samarbeid med næringslivet i regionen og med Sogn Kompetanse, og gir moglegheit for å bygge seg opp mot tittelen fagskuleingeniør.

Tid: Tysdag 19. august 2025, kl. 09.00–09.45
Stad: Bankgata 1, Nordfjordeid (3. etasje) eller digital deltaking via Teams

Om utdanningstilboda:
Fagskulen i Vestland lanserer fleire pilotmodular innan elektro og automasjon, med oppstart frå hausten 2025. Modulane kan takast enkeltståande, men for dei som vil, kan ein bygge seg opp mot tittelen fagskuleingeniør – dersom ein gjennomfører til saman 120 fagskulepoeng og nasjonale krav til denne tittelen vert innfridde.

Kommande modular:

Haust 2025
• Moderne måleteknikk (5 stp) – oktober til november
• Vedlikehaldselektronikk (5 stp) – november til desember

Vår 2026
• Elektronikkutvikling (5 stp) – januar til februar
• EKOM (10–15 stp) – mars til juni

Undervisninga vil i hovudsak vere fleksibel og nettbasert, men nokre modular kan krevje fysisk oppmøte. Samlingsstadene vert planlagt ut frå kvar det er interesse og tilgjengeleg utstyr.

Målgruppe:
Tilboda passar for fagarbeidarar, teknikarar og andre som jobbar innan elektro og automasjon og ønskjer å styrke kompetansen sin, eller å bygge seg opp mot tittelen fagskuleingeniør.

Bli med på møtet:
Meld deg på ved å sende ein kort e-post til kari@inviro.no. Skriv namn, bedrift, om du deltek fysisk eller via Teams, og kor mange som kjem. Påmeldingsfrist er torsdag 14. august.

Vi vil gjerne høyre frå dykk i bransjen:
• Kva behov ser de for kompetanseheving?
• Har de aktuelle deltakarar hjå dykk?
• Korleis kan desse tilboda bidra til utvikling i di bedrift?

Velkomen til møte – og til vidare dialog om framtidas kompetanse innan elektro og automasjon!

Praktisk informasjon og Teams-lenke:

Klikk her for å delta på Teams-møtet

(Møte-ID: 326 661 643 624 2 | Passord: Xi23Gy9g)