Vil du lære meir om korleis politikk, forvaltning og juss formar samfunnet vårt? Hausten 2025 startar vidareutdanninga Politikk, makt og juss – eit nettbasert deltidsstudium retta mot deg som er i arbeid og ønskjer å styrke kompetansen din.
Foto: Gunnar Ridderström
Høgskulen i Volda tilbyr frå hausten 2025 vidareutdanninga Politikk, makt og juss (GOV101N). Studiet gir 10 studiepoeng og går over eitt semester som nettstudium, slik at du kan kombinere utdanning med jobb og andre forpliktingar.
Gjennom studiet får du ei grundig innføring i stats- og kommunalkunnskap og i sentrale juridiske spørsmål innan offentleg rett. Undervisninga tek opp tema som:
Demokrati og demokratisering
Politisk utvikling
Forholdet mellom stat og kommune
Kommunal organisering
Forvaltningsrett
Det er lagt opp til at du kan kople teori til eigen praksis gjennom oppgåver og refleksjonar over problemstillingar frå arbeidslivet. Dette bidreg til å styrke både fagleg forståing og evna til å formidle kunnskap vidare, både skriftleg og munnleg.
Studiet har ei studieavgift på kr 3 500. Opptaket opnar 9. juli 2025, og emnet har plass til mellom 3 og 20 studentar.
Merk: Studentar som allereie har fått opptak på Bachelor i samfunnsutvikling eller Årsstudium i samfunnskunnskap kan ikkje velje GOV101N som nettemne.
Sist oppdatert: 18.08.2025
Gratis NTNU-emne (7,5 stp) som gir tilsette i skulen oppdatert kompetanse på førebygging, gjenkjenning og oppfølging av psykiske helseutfordringar hos elevar. Nett- og samlingsbasert med samlingar i Ålesund. Oppstart 17.09.2025. Søknadsfrist 03.09.2025.
Les meir
StudieHub – Fjordane Studiesenter inviterer, i samarbeid med Sogn Kompetanse og NMBU, til eit digitalt informasjonsmøte om kurset Berekraftige matsystemer, som skal gjennomførast våren 2026 i både Sogn og Nordfjord. Møtet finn stad 19. juni kl. 09.00–09.45 på Teams, og rettar seg mot aktørar i heile matverdikjeda – frå lokalmatprodusentar til offentleg sektor. Kurset gir 5 studiepoeng frå NMBU og fokuserer på berekraftige verdikjeder, matsvinn og offentlege innkjøp. Det vert lokal tilpassing og undervisning i begge regionane. Påmelding skjer via e-post til kari@inviro.no.
Les meir