Hausten 2025 startar Høgskulen i Volda ei deltidsutdanning i GIS og kartkunnskap i arealplanlegging. Utdanninga gir 10 studiepoeng og blir tilrettelagt for deg som ønskjer fleksibel vidareutdanning i kombinasjon med jobb. StudieHub – Fjordane Studiesenter og Sogn Kompetanse er samarbeidspartnarar i gjennomføringa lokalt.
Korleis brukar vi kart og geografiske data i samfunnsplanlegging? I denne utdanninga får du grunnleggjande kunnskap om GIS (geografiske informasjonssystem), plan- og bygningslova, og dei juridiske konsekvensane av arealplanar. Du lærer å hente inn og samanstille data, og å lage enkle kart for publikasjon.
Emnet passar særleg godt for deg som arbeider med, eller ønskjer å arbeide med, arealplanlegging, offentleg forvaltning, samfunnsutvikling eller prosjektering.
Varigheit: 1 semester (haust 2025)
Studiepoeng: 10
Undervisningsform: Førelesingar, nettleksjonar og rettleiing
Vurderingsform: Mappeeksamen
Gjennomføring i samarbeid med: Høgskulen i Volda, StudieHub – Fjordane Studiesenter og Sogn Kompetanse
Velkommen til digitalt informasjonsmøte måndag 10. juni kl. 10.00!
Her får du vite meir om opplegget, opptakskrav og kvardagen som student.
📍 Les meir om utdaninga og søk plass her
Eg vil vite meir og melde interesse for deltaking på informasjonsmøtet
Sist oppdatert: 26.05.2025
Gratis NTNU-emne (7,5 stp) som gir tilsette i skulen oppdatert kompetanse på førebygging, gjenkjenning og oppfølging av psykiske helseutfordringar hos elevar. Nett- og samlingsbasert med samlingar i Ålesund. Oppstart 17.09.2025. Søknadsfrist 03.09.2025.
Les meir
Vidareutdanninga Politikk, makt og juss er eit fleksibelt nettstudium på bachelornivå, som gir 10 studiepoeng over eitt semester. Studiet gir innføring i politikk, forvaltning og offentleg rett, og passar særleg for deg som er i arbeid og ønskjer fagleg påfyll. Opptak startar 9. juli 2025.
Les meir