Fagskuleutdanning i psykisk helsearbeid og rusarbeid – med samlingar ved StudieHub

Fagskulen Vestland tilbyr ei toårig, deltidsutdanning i psykisk helsearbeid og rusarbeid. Utdanninga er nett- og samlingsbasert, og deltakarar frå vår region kan følgje samlingane frå StudieHub sine lokale. 

Dette er ei ettertrakta vidareutdanning for deg som ønskjer å styrkje din kompetanse innan psykisk helse, rusarbeid og førebygging. Utdanninga gir 60 studiepoeng og kvalifiserer for arbeid i både kommunale og statlege tenester, til dømes innan bustadoppfølging, rusomsorg, skulehelsetenesta og rehabilitering.

Kven passar utdanninga for?

Utdanninga er relevant for deg som:

• Arbeider i bu- og omsorgstenester, rehabilitering, miljøarbeid eller helseteam

• Jobbar i barnehagar, skular, SFO eller med ungdomsarbeid

• Har roller i NAV, arbeidstrening eller attføringstiltak

• Jobbar med psykisk helse i kommunen eller spesialisthelsetenesta

• Er tilsett i ideelle organisasjonar, pårørandearbeid eller frivilligheita

Utdanninga passar òg for deg som vil ha ei meir spesialisert rolle innan tverrfagleg oppfølging og samhandling med brukarar, pårørande og fagmiljø.

Innhald i studiet

Studiet er bygd opp av seks emne som gir eit heilskapleg perspektiv på psykisk helse og rusarbeid:

• Etikk, samhandling og kommunikasjon

• Helsefremjande og førebyggjande arbeid

• Psykiske lidingar og ruslidingar – symptom og behandling

• Målretta miljøarbeid og relasjonskompetanse i praksis

• Praksis

• Fordjuping i psykisk helsearbeid og rusarbeid

Utdanninga avsluttast med ti veker relevant praksis og ei fordjupingsoppgåve. Undervisninga kombinerer digitale samlingar, sjølvstudium, gruppeoppgåver og individuell rettleiing.

Viktig informasjon:

• Studieform: Deltid, nett- og samlingsbasert

• Varigheit: 2 år

• Poeng: 60 studiepoeng (Fagskulegrad)

• Søknadsfrist: 15. april 2025

• Oppstart: September 2025

• Studiestad: Nordnes (vel Nordnes i søknaden for å delta via oss)

Opptakskrav:

Du kan søkje med fagbrev innan til dømes:

• Helsearbeidarfaget

• Barne- og ungdomsarbeidarfaget

• Aktivitør

• Ambulansefag

• Apotekteknikk eller helsesekretær

• Eller du kan søkje med realkompetanse dersom du har fylt 23 år og har relevant erfaring.

NB! I søknadsportalen skal du velje Nordnes som studiestad. Då vil du få tilbod om å følgje samlingane via StudieHub, med forbehald om nok deltakarar. Du kan også velje å ta utdanninga ved Fagskulens studiestad på Førde.

Her kan du lese meir om utdanninga og søke plass.