Demens og utfordrande åtferd – styrk kompetansen i møte med krevjande situasjonar

Fakta om studiet

• Namn på utdanninga: Demens og utfordrande åtferd

• Tilbydar: Fagskulen Aldring og helse

• Studiepoeng: 10

• Nivå: Fagskule

• Krav til forkunnskap: Fagbrev som helsefagarbeidar og arbeidsforhold i helse- og omsorgstenestene. Realkompetanse kan vurderast for søkjarar over 23 år

• Omfang: Deltid

• Oppstart: Veke 47 i 2026

• Organisering: 8 digitale samlingar + 2 fysiske samlingsdagar

• Studiestad: Tønsberg, Bergen og andre stader i Vestland fylke, også ved studiesentera i Vestland og ved StudieHub

• Varigheit: Deltidsstudium over 10 veker

• Vurdering: Arbeidskrav (bestått / ikkje bestått)

• Studieavgift: Ingen studieavgift (ordinær semesteravgift)

• Søknad: Lenkje til søknad kjem på nettsida

Vil du styrkje kompetansen din innan demensomsorg og møte personar med demens på ein trygg, fagleg og personsentrert måte? Modulen Demens og utfordrande åtferd er utvikla for tilsette i helse- og omsorgstenestene som ønskjer meir kunnskap om demenssjukdomar, APSD og gode tiltak i praksis.

Utdanningsmodulen gir 10 studiepoeng og kan takast som ein frittståande modul eller inngå som ein valfri del av fagskuleutdanninga i eldrehelse. Målet er å gi studentane kunnskap og ferdigheiter i å forstå, kartleggje og følgje opp personar med demens og åtferdsmessige og psykiske symptom ved demens.

Gjennom studiet lærer studentane om demenssjukdomar, vurdering av utfordrande åtferd, personsentrert omsorg etter VIPS-rammeverket, kommunikasjon, relasjonsbygging og samarbeid med pårørande og tenestene rundt den enkelte.

Fleksibelt og praksisnært studium

Modulen blir gjennomført som deltidsstudium over 10 veker frå veke 47 i 2026 til veke 7 i 2027. Undervisninga er nettbasert og kombinert med fysiske samlingar ved studiestedet.

For deltakarar i Vestland blir det lagt til rette for at studentar kan delta hybrid ved fysiske samlingar ved Studiesentera i Vestland og hos oss. Dette gir ei meir tilgjengeleg og fleksibel løysing for dei som ønskjer å ta utdanning ved sida av jobb.

Studiet omfattar:

• 7 nettsamlingar à 2 timar
• 2 fysiske samlingar kl. 09–15
• eigeninnsats og rettleiing
• 2 studiekrav

Undervisninga kombinerer digitale og fysiske samlingar, læringsgrupper, munnlege og skriftlege arbeidskrav og eigne studiar.

Dette lærer du

Modulen tek opp sentrale tema innan demens og oppfølging av utfordrande åtferd, mellom anna:

• vanlege demenssjukdomar
• kognitive, motoriske, psykologiske og åtferdsmessige symptom ved demens
• utgreiing, observasjon og kartlegging
• forståing av APSD
• samtykkekompetanse og lovverk
• tenester og oppfølging i helse- og omsorgstenesta
• personsentrert omsorg med utgangspunkt i VIPS-rammeverket
• kommunikasjon, relasjonsbygging og samarbeid med pårørande

Etter fullført modul skal studenten kunne forstå og bruke kunnskap om demens, APSD og personsentrert omsorg, ta i bruk relevante kartleggingsverktøy, identifisere behov, planleggje tiltak og evaluere omsorga. Studenten skal òg kunne bruke lovverk og faglege tilrådingar og bidra til etisk og fagleg refleksjon i praksis.

Oppfølging undervegs

Studentane får rettleiing og tilbakemelding på studiekrav gjennom skriftlege og/eller munnlege vurderingar. Studieleiarane er tilgjengelege for oppfølging etter behov. Samstundes har studenten sjølv ansvar for å planleggje og gjennomføre eigne læringsaktivitetar.

Kven passar utdanninga for?

Modulen passar særleg godt for helsefagarbeidarar som arbeider i helse- og omsorgstenestene og møter personar med demens i kvardagen. Utdanninga er relevant for deg som ønskjer meir tryggleik i vurdering, kommunikasjon og oppfølging, og som vil styrkje den faglege kvaliteten i tenestene.

Opptakskrav

For opptak krevst:

• fagbrev som helsefagarbeidar
• arbeidsforhold i helse- og omsorgstenestene

Søkjarar som skal ta fagprøve etter opptaksfristen, kan få plass på vilkår om bestått prøve. Realkompetanse kan vurderast for søkjarar som er 23 år eller eldre.

Informasjonsmøte

Det blir halde informasjonsmøte 11. mai kl. 10.00–11.00 (Teams).

For å få kalenderinvitasjon med Teams-lenkje kan interesserte sende e-post til kari@inviro.no.

Søknad

Lenkje til søknad kjem på nettsida så snart ho er klar.