Vil du tileigne deg økonomi- og leiarkompetanse samfunnet treng – med berekraft som gjennomgåande perspektiv? Dette fleksible nettstudiet kan kombinerast med jobb og gir deg tittelen bedriftsøkonom.
Fakta om studiet
Namn på utdanninga: Årsstudium i berekraftig økonomi og leiing
Tilbydar: NMBU – Noregs miljø- og biovitskaplege universitet
Studiepoeng: inntil 60
Nivå: Årsstudium (kan inngå i bachelorgrad)
Omfang: Nettstudium – heiltid eller deltid
Varigheit: 1 år (heiltid) / 2–4 år (deltid)
Studiestad: Nettbasert
Opptakskrav: Generell studiekompetanse
Søknadsfrist: 15. april (Samordna opptak)
Oppstart: Vår og haust
Studieavgift: Ingen kursavgift (kun semesteravgift)
Berekraft og økonomi heng tett saman i dagens arbeidsliv. Verksemder i både privat og offentleg sektor treng leiarar og medarbeidarar som forstår økonomistyring – og samstundes kan bidra til det grøne skiftet.
Årsstudiet i berekraftig økonomi og leiing gir deg ei grunnleggjande innføring i økonomi og leiing med ein tydeleg berekraftig profil.
Studiet består av åtte emne à 7,5 studiepoeng og kan gjennomførast i sjølvvalt tempo. Du kan ta emna i den rekkefølgja som passar deg, og kombinere studiet med arbeid.
Undervisninga er nettbasert og organisert i fire undervisningsperiodar per år, med eksamen i siste veke av kvar periode.
Emne hausten 2026
Undervisningsperiode 1 (veke 36–43)
AOS238-B Berekraftige strategiar (7,5 stp)
AOS135-B HR – menneskelege ressursar (7,5 stp)
Undervisningsperiode 2 (veke 44–51)
AOS121-B Berekraftig marknadsføringsleiing (7,5 stp)
AOS229-B Leiings- og organisasjonspsykologi (7,5 stp)
Emna kan takast enkeltvis eller som del av fullt årsstudium, og gir både teoretisk forståing og praktiske verktøy innan leiing, organisasjon og berekraftig utvikling.
Kva kan du bruke utdanninga til?
Årsstudiet gir arbeidslivsretta kompetanse som er etterspurd innan:
• administrasjon
• økonomistyring
• rekneskap
• sal og marknadsføring
• leiing i private og offentlege verksemder
Fullført årsstudium kan inngå i bachelorgrad i økonomi og administrasjon eller i økonomi, leiing og IT ved NMBU – eller innpassast ved andre lærestader.
Når du har oppnådd 60 studiepoeng, får du tittelen bedriftsøkonom.
Studiet er også relevant for deg som allereie er i jobb og ønskjer formell kompetanse eller fagleg påfyll i ei leiarrolle.
Lokal tilrettelegging gjennom StudieHub
Sjølv om studiet er nettbasert, legg StudieHub – Fjordane Studiesenter til rette for:
• Studieplass og fagleg fellesskap
• Struktur og støtte i studiearbeidet
• Dialog med arbeidsgivar ved behov
Vi arbeider for at fleire skal kunne ta høgare utdanning utan å flytte frå regionen.
Sist oppdatert: 23.02.2026
Bærekraftige matsystemer – Vestland er eit praksisnært kurs på 5 studiepoeng, utvikla av NMBU i samarbeid med StudieHub – Fjordane Studiesenter og Sogn Kompetanse. Kurset handlar om matsikkerheit, ressursbruk, matsvinn, klima og lokale matsystem i Vestland. Det kombinerer fysiske samlingar i Lærdal og på Sandane med digital undervisning og praktisk casearbeid i tverrfaglege grupper.
Les meir
UiB og SLATE tilbyr tre nettbaserte masteremne om menneske og kunstig intelligens hausten 2026. Emna handlar om menneske-KI-system, KI for læring og dataanalyse, og kan takast enkeltvis eller som fleire emne same semester. Tilbodet er nettbasert og på deltid, og kan vere relevant for personar i arbeid som ønskjer meir kompetanse om KI, læring og digitale miljø.
Les meir
UiB og SLATE startar hausten 2026 eit nytt nettbasert mikroemne om trygg og pedagogisk bruk av KI i skulen. Emnet passar særleg for lærarar på ungdomstrinnet og i vidaregåande skule, men kan også vere relevant for skuleleiarar og andre som arbeider med undervisning og kompetanseutvikling. StudieHub legg til rette for lokale samlingar i regionen, slik at deltakarane kan dele erfaringar og knyte innhaldet til eigen praksis.
Les meir