Elkraft – høgare fagskulegrad på deltid i Nordfjord/Førde

Som fagskuleingeniør innan elkraft bidreg du til at elektriske kraftsystem fungerer – frå produksjon og distribusjon til installasjonar i bygg, transport og industri. Elektrobransjen er i rask utvikling, og krav til dokumentasjon, tryggleik og teknisk kvalitet blir stadig strengare. Utdanninga gir deg både teoretisk fordjuping og praktisk kompetanse som er direkte relevant for arbeidslivet.

Gjennom studiet får du kunnskap om:

• kraftproduksjon og distribusjon
• elektriske installasjonar og elenergianlegg
• styringssystem og automatiserte anlegg
• leiing, økonomi og marknadsføring (LØM)
• helse, miljø og tryggleik (HMT)

Utdanninga dekkjer formelle krav i forskrift om elektroforetak og kvalifikasjonskrav (FEK) og er eit viktig steg for mange som ønskjer fagleg ansvar eller leiande roller i elektrobransjen.

Lokal tilrettelegging gjennom StudieHubStudieHub – Fjordane Studiesenter legg til rette for deltakarar frå heile regionen.

Vi kan tilby:

• Studieplass og teknisk støtte
• Fagleg fellesskap lokalt
• Dialog med arbeidsgivar
• Informasjon og oppfølging gjennom studieløpet

Meld interesse her. Vi kontaktar deg når Fagskulen har lagt ut utdanninga på si nettside.