Moderne måleteknikk – praktisk vidareutdanning for industrien

Modulen Moderne måleteknikk er eit praktisk og relevant tilbod for fagarbeidarar som ønskjer å styrke kompetansen sin innan moderne måleinstrument, datalogging og analyse av signal og overføringsprotokollar. Studiet er ein del av fagskuleutdanninga Automatisering (120 studiepoeng), og kan gi grunnlag for fritak dersom du seinare vel å ta ei full utdanning.

Kva lærer du?

Gjennom undervisning i nett- og samlingsformat får du innføring i bruk av universelle, PC-baserte måleinstrument – ofte omtalt som "PC-oscilloskop". Du lærer å bruke oscilloskop, funksjonsgenerator, dataloggar, nett- og bussanalysator og eit utval spesialinstrument.
Studiet gir deg:

• Kunnskap om sentrale omgrep som trigger, aliasing, samplingsfrekvens og impedans

• Innsikt i kva parameter som avgrensar bruken av eit måleinstrument

• Ferdigheiter i oppkopling, kalibrering av måleprobar og praktiske målingar

• Kompetanse i måling, logging og samanlikning av signal frå fleire kanalar

• Evne til å setje opp instrument for analyse av minst éin type dataoverføringsprotokoll

• Tryggleik i val av rett utstyr, og trygg bruk utan risiko for skade

Du vil også lære å drøfte måletekniske problemstillingar med andre fagpersonar.

Studieform og samlingar

Modulen går over to månader, er deltid og nett- og samlingsbasert. Undervisninga skjer via Teams, med ei fysisk samling i Førde

7. januar – Teams

13. januar – Teams
21. januar – Førde (lab)
28. januar – Teams
4. februar – Teams
18. februar – innleveringsfrist

Arbeidsmengde
Studiet utgjer 5 studiepoeng og tilsvarar 125–150 timar arbeid.
Dette omfattar både samlingar, nettundervisning, sjølvstudium og arbeid med læringsnotat og case.

Vurdering
Vurderinga er ei mappe som består av:

• To læringsnotat (15 % + 15 %)

• Individuelt case (70 %)
  Vurderingsuttrykket er A–F.

Kostnad
Studiet er gratis.

Modulen er ein del av Industripiloten for etterutdanning av industriarbeidarar. Bedrifter som er medlem i Norsk Industri kan søke Industriens kompetansefond om lønsrefusjon for inntil to veker per tilsett. Ordninga gjeld også arbeidstakarar under andre tariffavtalar enn Industriovereinskomsten.

Opptak

Det er løpande opptak fram til studiet er fullteikna.
Du kan søke om plass med relevant fagbrev, eller med realkompetanse dersom du er over 23 år og har relevant erfaring.

Oppstart og søknadsfrist

• Søknadsfrist: 17. desember 2025

• Oppstart: 7. januar 2026

• Studiestad: Førde

Les meir og søk her